ئەڵمانیا هاوڵاتیانی وڵاتەکەی ئاگادار دەکاتەوە لوبنان بەجێبهێڵن

SNN

وەزارەتی دەرەوەی ئەڵمانیا راگەیەنراوێکی بڵاوکردووەتەوە و تیایدا داوا لە هاوڵاتیانی وڵاتەکەی دەکات، لە لوبنانن بەجێبهێڵن، بە دووری نازانن رەوشی ئەو وڵاتە بەرەو خراپتر بچێت.

ئەمڕۆ پێنجشەممە 4ی کانوونی دووەم، وەزارەتی دەرەوەی ئەڵمانیا لە راگەیەنراوێکدا ئاشکرایکردووە، بە دووری نازانن رەوشی لوبنان بەرەو خراپی بڕوات و ئاڵۆزییەکان لەو وڵاتەدا پەرەبسێنێت، بە تایبەت دوای کوشتنی ساڵح عروری جێگری سەرۆکی مەکتەبی سیاسی حەماس لە بەیروت.

لە راگەیەنراوەکەدا، د اوا لە ھاوڵاتیانی وڵاتەکەی دەکات بە زووترین کات لوبنان بەجێبھێڵن و بگەڕێنەوە ئەڵمانیا، یاخود ھەر وڵاتێکی تر کە ئارامە، چونکە رەوشی ناوچەکە بە بەردەوامی لە گۆڕاندایە و سەقامگیر نییە.

ئەمە لە کاتێکدایە، 3ی کانوونی دووەمی 2024، حزبوڵای لوبنانی لە راگەیەندراوێکدا بڵاویکردەوە، رووداوی تیرۆرکردنی عاروری پێشھاتێکی مەترسیدارە و بێ وەڵام تێناپەڕێت.