فەرمانگەی ژینگەی هەولێر: هەوڵێکی پیسکردنی ژینگەمان پووچەڵ کردەوە
SNN
ئەمڕۆ فەرمانگەى ژینگەى هەولێر رایگەیاند، هەوڵێکی سووتاندنی تایه و پیسکردنی ژینگەیان پووچەڵ کردەوە. و کەسانی بەرپرس لەو کارە سزایی توند دەدرێن.
ئەمڕۆ چوارشەممە 10ی کانوونی دووەم، فەرمانگەی ژینگەی هەولێر راگەیەنراوێکی بڵاوکردەوە و ئاشکرایکرد، “شەوی ڕابردوو دەستیانگرتووە بەسەر کۆمەڵێك تایە، کە لە نێوان گوندی کۆری و کوردستان ستی لەلایەن کەسانێکی نەناسراو و نابەرپرس کۆیان کردووەتەوە”.
ئاماژەیان بەوەکردووە، ئەو کەسانەی تایەکانیان کۆکردووەتەوە بەنیازبوون بەشێوەیەکی نایاسایی بیسوتێنن، بە سووتاندنی تایەکان تەلەکانی ناوی دەربهێنن و بیفرۆشنەوە.
فەرمانگەی ژینگەی هەولێر ئەوەشیخستەڕوو، سووتاندنی تایە و پیسکردنی ژینگە بووەتە دیاردە کە ئەمەش به تاوانی ژینگەیی هەژمار دەکرێت و سزای توندی بۆ دیاری کراوە.
