سەنتەری میترۆ رەوشی رۆژنامەنوسانی بۆ 2023 بڵاوکردەوە

SNN

سەنتەری میترۆ تایبەت بە داکۆکیکردن لە رۆژنامەنوسان، ئاماری رەوشی رۆژنامەنوسانی بۆ 2023 بڵاوکردەوە و رایگەیاند، ساڵی رابردوو بەراورد بە ساڵی 2022 حاڵەتی پێشێلکارییەکان بەرامبەر رۆژنامەنوسان کەمیکردووە.

ئەمڕۆ چوارشەمە، 17ی کانوونی دووەم، سەنتەری میترۆ بۆ داکۆکی لەمافی رۆژنامەنووسان لەمەڕاسیمی ساڵانەی ڕاگەیاندنی راپۆرتی رەوشی ئازادی رۆژنامەنووسی لەهەرێمی کوردستاندا رایگەیاند، ساڵی 2023 لەهەرێمی کوردستاندا 249 پێشێلکاری بەرامبەر 247 ڕۆژنامەنووس و دامەزراوەی میدیایی ئەنجامدراوە، 37 رۆژنامەنووس بەبێ بڕیاری دادگا دەستبەسەرکراون و پێنج ڕۆژنامەنووسیش بەدەر لەیاسای رۆژنامەنووسی دەستگیرکراون.

بەپێی ئامارەکانی سەنتەری میترۆ، لەساڵی رابردوودا 249 پێشێلكاری بەرامبەر 274 رۆژنامەنووس ئەنجامدراوە و شێوازی پێشێلكاریەكانیش جۆراوجۆربووون بەجۆرێك:

دەستگیركردنی رۆژنامەنوسان: 37 حاڵەت

هێرش و هەڕەشەو سوكایەتی : 27 حاڵەت

رێگریكردن و جیاكاری: 134 حاڵەت

دەستبەسەركردنی كەلوپەلی رۆژنامەنووسان:38حاڵەت

دەستگیركردنی رۆژنامەنووسان بەدەر لە یاسای رۆژنامەنووسی 5حاڵەت

هێرشی ئەلكترۆنی:4حاڵەت

شكاندنی كەل و پەلی رۆژنامەنووس 2حاڵەت

هەڵكوتانە سەر ماڵی رۆژنامەنووسان: 2حاڵەت