23 كامێرای جێگیری تۆمارکردنی خێرایی لە سلێمانی ده‌كه‌ونه‌كار
کامێرەی هاتووچۆ
SNN
عه‌مید ئاسۆ محه‌مه‌د، به‌ڕێوه‌به‌ری گشتی هاتوچۆی پارێزگای سلێمانی ئه‌مڕۆ شه‌ممه له‌میانی لێدوانێكدا بۆ رۆژنامه‌نوسان رایگه‌یاند: “كامێراكان ئه‌وه‌ته‌ی هه‌ن كارده‌كه‌ن ئه‌م ماوه‌یه كه كاریان نه‌كردوه نوێكراونه‌ته‌وه، ئه‌گه‌رنا تا ئێستا كامێراكانی دیاریكردنی تیژڕه‌وی له كاردا بوون، له كاتژمێر 10:00ی به‌یانی سێشه‌ممه (23ی 1ی 2024) ده‌كه‌ونه‌كار”.
ئاماژه‌ی به‌وه‌شكرد، ته‌واوی كامێرا جێگیره‌كانی دیاریكردنی تیژڕه‌وی كه ژماره‌یان 23 كامێرایه ده‌كه‌ونه كار، شوێنه‌كانیان دیاریكراوه و خێراییه‌كه‌ش دیاریكراوه و داوا له شۆفێران ده‌كه‌ن پابه‌ندبن، ئه‌گه‌ر كامێراش نه‌بێت با هاووڵاتیان پابه‌ندبن به رێنماییه‌كانی هاتوچۆوه و پێمسه‌یره خه‌ڵك له‌وه دودڵ بن به‌وه‌ی كامێراكان كار ده‌كه‌ن یاخود نا، ئه‌سڵ ئه‌وه‌یه كه خه‌ڵك سه‌رپێچی نه‌كات”
