فراكسیۆنی یەكێتی “سنوور بۆ مەترسی و هێرشەكان دابنرێت”

SNN

فراكسیۆنی یەكێتیی نیشتمانیی كوردستان لە ئەنجومەنی نوێنەرانی عێراق بەتوندی هێرشكردنە سەر كێڵگەی غازی كۆرمۆر ئیدانە دەكات و رایدەگەیەنێت: “ئەم بەئامانجگرتنە مەترسی لەسەر ئابووریی عیراق و كوردستان دروست دەكات و هەڕەشەیە لەسەر پێگەی دەوڵەت، هەروەها هێرشە بۆ سەر بژێوی و قوتی خەڵكی سڤیل”.

لە راگەیەندراوێكیدا كە فراكسیۆنی یەكێتی لە ئەنجومەنی نوێنەرانی عیراق ئەمڕۆ 28ی کانوونی یەکەم، بۆ سایتی رەسمی یەكێتیی نیشتمانیی كوردستان رایدەگەیەنێت: “ئەم كردەوە ترسنۆكانەیە هیچ بەهایەكی نابێت تەنها كارێكی تێكدەرانەیە” و داوا دەكات: “حكومەتی عێراق سنوورێك بۆ ئەم مەترسیانە دابنێت و لێژنەی ئاسایش وبەرگری لە ئەنجومەنی نوێنەرانی عیراقیش لێژنەیەك بۆ بەدواداچوونی ئەم كردوە تێكدەرانەیە پێكبهێنێت”.

دەقی پەیامەكە:
هێرشكردنەسەر كێڵگەی غازی كۆرمۆر لە پارێزگای سلێمانی ئیدانە دەكەی، ئەم بە ئامنجگرتنە مەترسی لەسەر ئابوریی عیراق و كوردستان دروست دەكات و هەڕەشەیە لەسەر پێگەی دەوڵەت، هەروەها هێرشكرردنە بۆ سەر بژێو وقوتی خەڵكی سڤیل.

ئەم كردەوە ترسنۆكانەیە هیچ بەهایەكی نابێت تەنها كارێكی تێكدەرانەیە، وێڕای داوكردنمان لە لێژنەی ئاسایش و بەرگری لە پەرلەمانی عێراق بە پێكهێنانی لێژنەیەك بۆ بەدواداچوونی ئەم كردەوە تێكدەرانەیە، داوا لە حكومەتی عیراق دەكەین سنوورێك بۆ ئەم مەترسیانە دابنێت.

فڕاكسیۆنی یەكێتیی نیشتمانیی كوردستان