ماڵپەڕی شەفافیەت داهاتی هەفتەیەکی سلێمانی بڵاوکردەوە

SNN

بەگوێرەی ماڵپەڕی شەفافیەت، داهاتی ئەم هەفتەیەی سلێمانی لەچاو هەفتەكانی رابردوودا، بەشێوەیەكی بەرچاو كەمیكردووە، لە 17ی 2 تا 23ی 2ی 2024، تەنیا یەك ملیارو 341 ملیۆن دینار بووە.

ئەمڕۆ هەینی 23ی شوبات، ماڵپەڕی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان رایگەیاند، داهاتی ئەم هەفتەیەی سلێمانی لە 17ی 2 تا 23ی 2ی 2024، 1 ملیار و 341 ملیۆن و 903 هەزار دینارە.

ئاماژە بەوەکراوە، لەو بڕە 1 ملیارو 136 ملیۆن و 556 هەزار دیناری واتە 85%ی نەختینەیە و 201 ملیۆن و 563 هەزار دیناری واتە 15%ی بەشێوەی چەكە و مەقاسە سفرە.

ئێستا رۆژانە دەتوانیت سەرجەم داهاتە نانەوتییەكانی پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لە ماڵپەڕی شەفافییەتەوە بزانیت.