نرخی کارەبای موەلیدەی سیتییەکان دیاریکرا
نرخی ئەمپێڕی مۆلیدە ئەهلییەکان
SNN
بەڕێوەبەرایەتیی گشتى کارەباى سلێمانى رایگەیاند، لیژنەی باڵای دیاریکردنی نرخی کارەباى کۆمەڵگاکانى نیشتەجێبون (ستییەکان) کۆبونەوەیەکی سازکرد و تیایدا نرخی کیلۆواتی کارەبای موەلیدەی بۆ مانگی شوبات دیاریکرد.
ئەمەڕۆ چوارشەممە، بەرێوەبەرایەتی گشتیی کارەبای سلێمانی نرخی موەلیدەی سیتییەکانی دیاریکرد و ئاشکرایکرد، بۆ ئەم مانگە نرخى هەر کیلۆواتێک کارەبا 254 دینار دەبێت و بەراورد بە مانگى کانونى دووەم مانگى (1) نرخەکە دابەزیوە و بۆ ئەو مانگە هەر کیلۆواتێک 270 دینار بوو.
کارەباى سلێمانى جەختیکردەوە، پێویستە سەرجەم ستیيەکانی سنوری پارێزگای سلێمانی پابەندبن بەو نرخەوە، بەپێچەوانەوە ئەگەر زیاتر لەو نرخە وەربگرن روبەڕووی رێکاری یاسایی دەکرێنەوە.
