حكومه‌تى هه‌رێم : به‌غدا 9 ترلیۆن دینارمان قه‌رزاره
كۆبوونه‌وه‌ى ئه‌مڕۆى ئه‌نجوومه‌نى وه‌زیرانى حكومه‌تى هه‌رێمى كوردستان | فۆتۆ: KRG
SNN
سه‌رۆكایه‌تى ئه‌نجوومه‌نى وه‌زیرانى حكومه‌تى هه‌رێمى كوردستان له به‌یاننامه‌یه‌كدا ورده‌كارى پاره‌ى ره‌وانه‌كراوى بۆ هه‌رێم له‌لایه‌ن حكومه‌تى ناوه‌ندیه‌وه بڵاوكرده‌وه و ده‌ڵێت: به‌غدا 9 ترلیۆن و 378 ملیار دینارى هه‌رێم قه‌رزاره.
ئه‌مڕۆ هه‌ینى 15ى ئازار، سه‌رۆكایه‌تى ئه‌نجوومه‌نى وه‌زیرانى حكومه‌تى هه‌رێمى كوردستان له به‌یاننامه‌یه‌كدا پاره‌ى ره‌وانه‌كراوى له‌لایه‌ن حكومه‌تى ناوه‌ندیه‌وه بڵاوكرده‌وه بۆ ساڵى 2023 كه تێیدا هاتووه، “پشكی هەرێم لە لە بودجەی 2023ی عێراق 16 ترلیۆن و 497 ملیار دیناره. ئەو پارانەی حكومەتی فیدراڵی لە چوارچێوەی پشكی هەرێم ناردوویەتی: 998 ملیار دینارە”.
له به‌شێكى ترى به‌یاننامه‌كه‌دا ئه‌وه‌شخراوه‌ته‌ڕوو، “ئەو پارانەی حكومەتی فیدراڵ وەكو قەرز ناردوویەتی بۆ هەرێمى كوردستان بریتیه له 3 ترلیۆن و 700 ملیار دینار”.
له‌باره‌ى كۆى ئه‌و پارانه‌ى بۆ هه‌رێم نێردراوه باسى له‌وه‌كردووه، “كۆی ئەو پارانەی دەست حكومەتی هەرێم كەوتووە لە بەغدا و نەوت و ناوخۆ بریتیه له 7 ترلیۆن و 119 ملیار دینار”.
له كۆتایی به‌یاننامه‌كه‌دا ئه‌وه‌ش ئاشكرا كراوه، ” تێكڕای بڕی پارەی ماوە لە پشكی هەرێم كە لای حكومەتی فیدراڵە له ئێستادا بریتیه له 9 ترلیۆن و 378 ملیار دینار”.
