وەزارەتی تەندروستی ئاماری کۆرۆنای لەهەرێم راگەیاند
سلێمانی-AA بەڕێوەبەری گشتی تەندروستی سلێمانی رایدەگەیەنێت کە چەند حاڵەتێکی گومانلێکراویان هەیە لە کەسانێکەوە ئەگەری هەیە توشبووبن کە لە ولاتی ئێرانەوە نەگەراونەتەوە و ئەمشەو وەزارەتی تەندروستی حاڵەتەکان ئاشکرا دەکات. ئەمشەو کاتژمێر٢٠:٠٠ لە نەخۆشخانەی شار لە سلێمانی بەرەێوەبەری گشتی تەندروستی سلێمانی، د.سەباح نەسرەدین کۆنگرەیەکی رۆژنامەوانی رێکخست و باسی لە دوایین پێشهاتەکانی شاری سلێمانی کرد سەبارەت بە توشبووانی ڤایرۆسی کۆرۆنای نوێ (کۆڤید-١٩) و ئامادەکاریەکانی لیژنەی بەرەنگاری کۆرۆنا. بەرێوەبەری گشتی تەندروستی سلێمانی، سەباح نەسرەدین: رایگەیاند کە "تا ئێستا لە پارێزگای سلێمانی ٢٩٠ کەس لەژێر چاودێری تەندروستیدان، لە کەرەنتینەکاندا، دوای ئەوەی دەرکەوت هیچ حاڵەتێکیان تێدا بەدی نەکراوە لەماوەی ١٤ رۆژەکەدا ژمارەیەکی زۆر لەوانەی کەرەنتینە کرابوون رەوانەی ماڵەوە کرانەوە." سەباح نەسرەدین راشیگەیاند کە تائێستا ٢٠٠ پشکنین ئەنجام دراوە بۆ ئەو حاڵەتانەی تۆمار کراون و گوتیشی: " چەند حاڵەتێکی گومانلێکراومان هەیە لە کەسانێکەوە ئەگەری هەیە توشبووبن کە لە وڵاتی ئێرانەوە نەگەراونەتەوە و ئەمشەو وەزارەتی تەندروستی حاڵەتەکان ئاشکرا دەکات.'' سەبارەت بە رەوشی تەندروستی توشبووانی کۆرۆنا لە سلێمانی سەباح نەسرەدین گوتی: "دۆخی تەندروستی تەواوی توشبووانی کۆرۆنا لە سلێمانی جێگیرە و دوای رەوانەکردنی رەوشی پشکنینی یەکێکیان بۆ فەرمانگەی حکوومی یەکێک لەو حاڵەتانەی توشبووە، ئێستا بەرە باش بوونەوە دەچێت و لە سەعاتەکانی داهاتوودا رەوانەی ماڵەوە دەکرێتەوە.'' - "لە سێ رۆژی رابردوودا ٥٧٣ هاوڵاتی بینراون " دکتۆر سەباح نەسرەدین ئاماژەی بەوەشدا کە دوو هەفتەی داهاتوو یەکلاکەرەوە دەبێت بۆ شاری سلێمانی و داوای کرد هاوڵاتیان زۆر هۆشیار بن لە جێبەجێ کردنی رێنماییە تەندروستییەکان. بەرێوەبەری گشتی تەندروستی سلێمانی، ئاشکراشی کرد کە ئەمشەو کاتژمێڕ١٠:٠٠ پرۆسەی رەشکردنەوەی سلێمانی(تەعقیم کردن) بەهاوکاری لیژنەی بەرگری شارستانی دەستپێدەکات. سەباح نەسرەدین دووپاتی کردەوە کە هاوڵاتیان بۆ کاری زۆر پێویست نەبێت سەردانی کلینیک و بنکەی تەندروستیەکان نەکەن و گوتیشی: "ئێمە نەشتەرگەرییە ساردەکان رادەگڕین تا کاتێکی نادیار". بەرێوەبەری گشتی تەندروستی سلێمانی، ئاشکرای کرد کە چەند حاڵەتێکی گومانلێکراوهەیە لە کەسانێکەوە ئەگەری هەیە توشبووبن کە لە ولاتی ئێرانەوە نەگەراونەتەوە، ئەمەش وەزارەتی تەندروستی هەرێم لەسەعاتەکانی داهاتوودا ئاشکرای دەکات. د. سەباح نەسرەدین ئاماژەی بەوەدا کە لەماوەکانی پێشوودا هەزار کەس لەژێر چاودێری تەندروستیدا بوون لە گەرمیان و ئیدارەی راپەڕین و پارێزگای سلێمانی و هەڵەبجە". ناوبراو ئاشکرای کرد کە لە ئێستادا کلینیکی عەلی ناجی بۆ ئەو هاوڵاتیانە تەرخان کراوە کە لە ئێران گەراونەتەوە و خۆیان نەپشکنیوە و گوتیشی: '' لێرەوە داوایان لێدەکەین بچن خۆیان بپشکنن، بێ ئەوەی کەرەنتینە بکرێن پشکنینیان بۆ دەکرێت". سەبارەت بەو وەفدەی لە کۆماری گەلیی چینەوە هاتوونەتە بەغدا، بەرێوەبەری گشتی تەندروستی سلێمانی رایگەیاند "رۆژی سێ شەممە ئەو تیمەی کە لە وڵاتی چینەوە هاتوونەتە بەغدا ، سەردانی شاری سلێمانی دەکەن." سەبارەت بە پشکنینی تەندروستی بۆ ئەو کەسانەی لە وڵاتی ئێران گەڕاونەتەوە بەرێگەی قاچاخ و رێگەی فەرمیەوە دکتۆر سەباح گوتی: "لەماوەی سێ رۆژدا ٥٧٣ کەس لەوانەی گەڕاونەتەوە لە ئێران، سەردانی بنکەی تەندروستیان کردووە بۆ ئەوەی پشکنینیان بۆ بکرێت." ( Fariq Faraj Mahmood - ئاژانسی ئانادۆڵو )
SNN-
وەزارەتی تەندروستی راگەیەندراوی ژمارە 103ـی بڵاوکردەوە و تێیدا ئاماژە بەوە دەکات “لە 24 کاتژمێری رابردوو پێنج کەس بەڤایرۆسی کۆرۆنا گیانیان لەدەستداوە”.
ڕاگەیاندراوی ژمارە (103)
سەبارەت بە نەخۆشی ڤایرۆسی کۆڕۆنای نوێ COVID-19 لە هەرێمی کوردستان، ڕێکارەکان بەردەوامن بەم شێوەیە:
- کەرەنتین
تاوەکو ئەوڕۆ (12815) هاووڵاتی “ئەوانەی کە لە دەرەوەی ووڵات گەڕانەتەوە وە ئەوانەی کە بەرکەوتەی نەخۆشە چەسپێنراوەکان” کەڕەنتین کراون، لەئێستادا تەنها (776) هاووڵاتی لە (33) شوێنی جیاوازی کەرەنتین ماونەتەوە؛ (206) لە هەولێر، (33) لە سلێمانی، (537) لە دهۆك. وە (12039) هاووڵاتی لە کەرەنتین دەرچوونە و گەڕانەوەتە ناو خانەوادەکانیان دوای تەواو کردنی ماوەی 14 رۆژ وە ئەنجامدانی پشکنینی تاقیگەیی بۆیان وپشتراستکردنەوەی ئەوەی کە هەڵگری ئەو نەخۆشیە نین، لەگەڵ کەڕەنتین کردنی ژمارەیەکی تری هاووڵاتییان لە 24 کاتژمێری ڕابردوودا کە کۆی گشتی (55) هاووڵاتی بوو.
- پشکنین
لەماوەی 24 کاتژمێری ڕابردوودا: (1774) پشکنین ئەنجام دراوە لەسەر ئاستی هەرێمی کوردستان؛ (692) هەولێر، (658) سلێمانی، (400) دهۆك، (20) گەرمیان، (4) ڕاپەڕێن. (کۆی گشتی ئەو پشکنینانەی کە ئەنجام دراوە لە سەرەتای سەرهەڵدانی ڤایرۆسی کۆڕۆنا (87590) پشکنین بووە)
- دەرەنجامی 24 کاتژمێری ڕابردوو: (5) گیان لەدەستدان، (133) تووشبووی نوێ تۆمار کرا بەم شێوەیەی خوارەوە:
- پارێزگای هەولێر (39) پۆزەتیڤ: (20) پیاو و (7) ئافرەت و (4) کچی گەنج و (8) منداڵ، بیست و چوار تووشبوو بەرکەتووی تووشبووانی پێشوون وە نۆ تووشبوو نیشانەی نەخۆشیەکەیان هەیە و شەش تووشبووی دیکە لە بازگەی دێگەڵە دوای پشکنین پۆزەتیڤ دەرچوون، دانیشتووی گەڕەکەکانی خانزاد، ژیان، نەورۆز، گوندی ئینگلیزی، گەڵاوێز،ھەولێر سیتی، ئیسکان، ڕاپەڕین، ئاشتی 2، ناحیەی دارەتوو، ناحیەی خەلیفان، ناحیەی کەسنەزان، کەمپی دارە شەکران، گوندی شمام، قەزای کۆیە، قەزای چۆمان سەر بە پارێزگای هەولێر.
- پارێزگای سلێمانی (91) پۆزەتیڤ و (5) گیان لەدەستدان:
شاری سلێمانی (67) پۆزەتیڤ و (5) گیان لە دەستدان: (39) پیاو و (24) ئافرەت و (2) کوڕی گەنج و (2) منداڵ، سێزدە تووشبوو بەرکەتووی تووشبووانی پێشوون وە تووشبووانی تر نیشانەی نەخۆشیەکەیان هەیە، سێ تووشبوو دانیشتووی قەزای چەمچەماڵ، دوو تووشبوو دانیشتووی قەزای پێنچوێن، یەك تووشبوو دانیشتووی قەزای دەربەندیخان، شەست تووشبوو دانیشتووی ناو شاری سلێمانی، یەك تووشبووی نوێ گیانی لە دەستدا و چوار لە تووشبووانی پێشوو کە لەسەر ئامێری هەناسەدان بوون گیانیان لە دەستدا.
ئیدارەی گەرمیان (20) پۆزەتیڤ: (10) پیاو و (2) ئافرەت و (2) کوڕی گەنج و (6) منداڵ، دوو تووشبوو پزیشك و کارمەندی تەندروستین بەرکەوتووی تووشبووانن و تووشبووەکانی دیکە بەرکەوتووی دوو تووشبووەن کە لە شاری بەغداد گەڕابوونەوە و داوەت و مێوانداری جەژنیان کردووە.
ئیدارەی ڕاپەڕین (4) پۆزەتیڤ: پیاوێك و (2) ئافرەت و کوڕێکی گەنچ، تووشبووێکیان نیشانەی نەخۆشی ھەیە، تووشبووانی تر ھەمووی بەرکەوتووی تووشبووانی پێشوون، دوو تووشبوو دانیشتووی گەڕەکی ڕاپەڕین لە قەزای ڕانیە، یەك تووشبوو دانیشتووی گەڕەکی سەردەم لە قەزای ڕانیە، یەك تووشبووی دانیشتووی گەڕەکی مامۆستایان لە چواڕقوڕنە.
- پارێزگای دهۆك (3) پۆزەتیڤ: ئافرەتێك و کچ و کوڕێکی گەنج ، ھەموو بەرکەوتووی تووشبووانی پێشوون، دانیشتووی ناو شاری دھۆکن.
- ئاماری گشتی
کۆی گشتی تووشبووان بە ڤایرۆسی کۆڕۆنای نوێ COVID-19 لە هەرێمی کوردستان (1222) تووشبوو، لەنێویاندا (24) مردن هەیە و (448) نەخۆش چاکبووەتەوە، وە ئێستا (750) نەخۆش لەژێر چاودێری پزیشکی دان، بۆ زانیاری زیاتر سەردانی داشبۆردی حکومەتی هەرێمی کوردستان بکەن لەم لینکە (https://gov.krd/coronavirus/dashboard/).
وێڕای دەستخۆشی بۆ پزیشکان و کارمەندانی تەندروستی و هەموو تیمەکانی پزیشکی کە لە ئەرکدان، جارێکی داوا دەکەین هاووڵاتیان پابەندبن بە ڕێنماییەکانی تەندروستی و دورکەوتنەوە لە شوێنی قەڵەبالغ و دانانی ماسك و دەستکێش، وە لەکاتی پێویستدا پەیوەندی بکەن بە هێڵی گەرمی ژمارە (122).
وەزارەتی تەندروستی
حکومەتی هەرێمی کوردستان
7ی حوزەیران 2020
