وەزارەتی دارایی: سبەی مووچەی مامۆستایانی گرێبەست و فەرمانبەرانی نوێ دابەشدەکرێت
مووچە بودجە
SNN-
وەزارەتی دارایی و ئابووریی حکومەتی هەرێمی کوردستان ڕایگەیاند، ڕۆژی یەکشەممە، 26ی تەممووز، دەست بە دابەشکردنی مووچەی مانگی 6ی مامۆستایانی گرێبەستی وەزارەتەکانی پەروەردە و خوێندنی باڵا و توێژینەوەی زانستی دەکرێت.
وەزارەتەکە ئاماژەی بەوەش داوە کە لە هەمان کاتدا، دەست بە دابەشکردنی مووچەی مانگی 6ی سەرجەم ئەو فەرمانبەرانەش دەکرێت کە لە دوای 1ی تەممووزی 2024ـەوە بە شێوەی گرێبەست و هەمیشەیی لەسەر میلاکی دامەزراوەکانی حکومەت دامەزراون و شایستە داراییەکانیان لەسەر داهاتی ناوخۆ دابین دەکرێت.
