وەزیری دەرەوەی ئێران: پێویستە ئەمریکا لەو ڕاستییە سادەیە بگەڕێت کە فشار ئەنجامی نابێت

SNN –

عەباس عێراقچی، وەزیری دەرەوەی ئێران دوای دیدارەکەی لەگەڵ هاوتا قەتەرییەکەی، پەیامێکی بڵاوکردەوە و تێیدا جەختی لەسەر پێویستی گۆڕینی هەڵوێستی واشنتن کردەوە بەرامبەر تاران.

عێراقچی ڕایگەیاند: “لەگەڵ سەرۆکوەزیران و وەزیری دەرەوەی قەتەر، گفتوگۆیەکی دروستکەر و داهێنەرانەمان لە تاران ئەنجامدا. گەڕاندنەوەی دیپلۆماسی بۆ ڕێڕەوی خۆی مەحاڵ نییە، بەڵکو ئەم بابەتە بەستراوەتەوە بەوەی ئەمریکا لە ڕاستییەکی سادە بگەڕێت، ئەویش ئەوەیە کە گوشار هێنان هیچ ئەنجامێکی نابێت.”

وەزیری دەرەوەی ئێران وتیشی: “پێویستە ئەمریکا متمانە دروست بکات، بە ڕێزەوە بدوێت، دان بە مافەکانماندا بنێت و پابەندی بەڵێنەکانی خۆی بێت.”