وردەکاری کوژرانی کەسایەتییە ناوسراوەکەی سلێمانی بزانە

SNN

سه‌رچاوه‌یه‌كی ئاگادار له‌ڕوداوه‌كه‌ بە SNNی رایگه‌یاند، حاجی محەمەد مەلا مامە گەورەی پێنجوێن، کەسایەتی دیاری سلێمانی، به‌یانی دوێنێ دوشه‌ممه‌ لە ماڵ چوەتە دەرەوە و شه‌وی رابردوش لە گۆڕستانی سه‌یوان تەرمەکەی دۆزرایەوە.

ئه‌و سه‌رچاوه‌یه‌ رونیشیكرده‌وه‌،”ئه‌و بازرگانه‌ 25 ملیۆنی لابوە و ئاماده‌ی كردوه‌ بۆئه‌وه‌ی قه‌رزی كاره‌بای پێبداته‌وه‌، کەسێک وتویەتی من دەتوانم بۆت کەمبکەمەوە، کەسەکەش شوفێری تەکسیە و پاشان بردویه‌تی له‌ نزیك گۆڕستانی سه‌یوان كوشتویه‌تی و پاشانیش پارەكه‌ی بردوه‌ و به‌ره‌و شوێنێكی نادیار هه‌ڵاتوه‌”.

ئه‌و سه‌رچاوه‌یه‌ باسی له‌وه‌شكرد، له‌ئێستادا ته‌رمی حاجی محەمەد له‌ پزیشكی دادی سلێمانیه‌ و پاش رێكاره‌كان، راده‌ستی كه‌سوكاره‌كه‌ی ده‌كرێته‌وه‌.