نرخی نەوت بەشێوەیەکی بەرچاو بەرزبووەوە

SNN

به‌گوێره‌ی بۆرسه‌ی جیهانی وزه‌، نرخی نه‌وتی خاوی برێنت به‌ڕێژه‌ی 27 سه‌نت به‌ڕێژه‌ی 0.3% به‌رزبوه‌وه‌ و گه‌یشته‌ 100.59 دۆلار بۆ هه‌ر به‌رمیلێك، هاوكات نرخی نه‌وتی خاوی ئه‌مریكای ڕۆژئاوای ته‌كساس به‌ڕێژه‌ی 0.3% به‌رزبوه‌وه‌ و گه‌یشته‌ 89.73 دۆلار بۆ هه‌ر به‌رمیلێك.

داتاكانی كه‌شتیوانی ده‌ریانخستوه‌، هه‌نارده‌كردنی نه‌وتی خاو له‌ ڕۆژهه‌ڵاتی ناوه‌ڕاسته‌وه‌ له‌ چه‌ند ڕۆژێكدا له‌ كۆتایی مانگی (ئه‌یلول/9) ئاستی پێش جه‌نگی تێپه‌ڕاندوه‌، ئه‌مه‌ش به‌هۆی بوژانه‌وه‌ی هه‌نارده‌كردنی سعودیه‌ بوه‌، سه‌ره‌ڕای هێرشكردنه‌ سه‌ر ژێرخانی نه‌وتی شانشینی سعودیه‌ و په‌ره‌سه‌ندنی هێرشه‌كانی ئێران بۆ سه‌ر كه‌شتیوانی له‌ ناوچه‌كه‌دا.

له‌ ماوه‌ی مانگی (ئه‌یلول/9)دا ڕۆیشتنی نه‌وت له‌ وڵاتانی كه‌نداو، به‌ده‌ر له‌ ئێران، بۆ زیاتر له‌ 81%ی ئاستی پێش جه‌نگ به‌رزبوه‌ته‌وه‌، هاوكات هه‌نارده‌ی ئێران بۆ سفر دابه‌زیوه‌ به‌هۆی گه‌مارۆكانی ئه‌مریكاوه‌.