ئەمریکا سەربازێکی بەڕەگەز عەرەبی سوپاکەی بە گولـلە لە سێدارەدا

SNN

وەزارەتی بەرگریی ئەمریکا (پێنتاگۆن) بڕیاری دا سزای لەسێدارەدانی «نیدال مالیک حەسەن»، ئەفسەری پێشوو و پزیشکی دەروونی لە سوپای ئەمریکا کە بە ڕەگەز عەرەبە، لە ڕێگەی دەستڕێژی گولـلەوە جێبەجێکرد.

ئەم بڕیارە دەبێتە یەکەم لەسێدارەدانی سەربازی بەو شێوازە لە ئەمریکا لە دوای کۆتاییهاتنی جەنگی جیهانیی دووەمەوە؛ پێشنیازەکە لەلایەن وەزیری بەرگرییەوە دراوە و لەلایەن دۆناڵد ترەمپەوە پەسەند کراوە.

نیدال حەسەن لە ساڵی 2009 لە بنکەی «فۆرت هوود» لە ویلایەتی تێکساس تەقەی لە سەربازەکانی بەتالیۆنەکەی خۆی کرد و لە ئاکامدا 13 سەربازی کوشت و 32 کەسی دیکەی بریندار کرد، ئەم رووداوە کە وەک خوێناویترین هێرش بۆ سەر بنکەیەکی سەربازی لە مێژووی وڵاتەکەدا تۆمار کرا.