رۆیتەرز: ئێران تاکتیکی نوێی بۆ هێرشکردنەسەر کەشتییە بازرگانییەکان لە گەروی هورمز گرتووەتەبەر

SNN-

 ئاژانسی هەواڵی رۆیتەرز بڵاویکردەوە کە کۆماری ئیسلامی ئێران تاکتیک و ڕێکاری نوێی پەیڕەو کردووە بەمەبەستی توندترکردنەوە و چڕکردنەوەی هێرشەکانی بۆ سەر کەشتییە بازرگانییەکان لە ناوچەی گەروی هورمز و دەوروبەری، ئامانجی سەرەکی لەم هەنگاوەش پاراستنی بەرزڕاگرتنی نرخی نەوتە لە بازاڕە جیهانییەکاندا پێش بەڕێوەچوونی هەڵبژاردنەکانی ئەمریکا لە مانگی تشرینی دووەمدا.

بەپێی زانیارییەکانی ئاژانسەکە، گۆڕانکاری لە شێوازی چالاکییە دەریاییەکاندا ئاماژەیە بۆ هەوڵێکی مەترسیدار بۆ دروستکردنی فشاری ئابووری و جیۆپۆلەتیکی، لە کاتێکدا کۆمەڵگەی نێودەوڵەتی و هێزە دەریاییەکانی چاودێری دۆخەکە دەکەن بە ئامانجی پاراستنی هێڵە بازرگانییە هەستیارەکان و دابینکەری سەرەکی وزە لە جیهاندا.

پەرەسەندنی ئەم گرژییانە لە کاتێکدایە کە بازاڕەکانی نەوت و وزە بەخێرایی کاردانەوە بۆ هەر ئاڵۆزییەکی سەربازی و ئەمنی لە ناوچەکانی وزەو ستراتیژییەکان نیشان دەدەن، و شارەزایانیش هۆشداری دەەن لە ئەگەری تێکچوونی زیاتری دۆخی تێپەڕبوونی کەشتییەکان.