فیدرێر تا کۆتایی 2020 لە یاریگاکان دووردەکەوێتەوە  

SNNsport

ئەستێرەی تێنسی سەرزەوی سویسری رۆجێر فیدرێر،بەهۆی ئەو پێکانەی تووشی بووە تا کۆتایی ساڵی  2020 لەیاریگاکانی تێنس دووردەکەوێتەوە.

فیدرێر کە خاوەنی 20 نازناوی گەورەیە لەسەر ئاستی جیهان، ناتوانێت لە پاڵەوانێتییەکانی ساڵی 2020 بەشداری بکات ئەگەر بەهۆی قەیرانی ڤایرۆسی کۆرۆناوە بڕیاری گەڕانەوەیان لەسەر بدرێت.

فیدرێر دووەم نەشتەرگەری لە ئەژنۆیدا ئەنجام داوە،ئەم یاریزانە لە پاڵەوانێتی ئوسترالیای کراوەوە تووشی ئازار بووە لە ئەژنۆیدا، بەوهۆیەوە لە قۆناغی پێش کۆتایی ئەو پاڵەوانێتییە لەسەر دەستی جۆکۆڤیچ ماڵئاوایی کردو تا ئێستا نەیتوانیوە بەشداری هیچ پاڵەوانێتیەک بکات.

نەشتەرگەریەکەی فیدرێری تەمەن 38 لە ئەژنۆی راستیدایەو تا ساڵی 2021 ناتوانێت بەشداری پاڵەوانێتییەکانی تێنس بکاتەوە.