ژنێك و پیاوێك له هه‌ولێر به كۆرۆنا گیانیان له‌ده‌ستدا
کۆرۆنا لە هەولێر
SNN – هه‌ولێر
كه‌مێك له‌مه‌وبه‌ر دوو تووشبووى ڤایرۆسى كۆرۆنا له شارى هه‌ولێر گیانیان له‌ده‌ستدا كه ژن و پیاوێكن.
به‌پێى زانیارییه‌كانى (SNN) كه له ته‌ندروستیى هه‌ولێر ده‌ستى كه‌وتوون، “به‌ره‌به‌یانى ئه‌مڕۆ یه‌كشه‌ممه دوو تووشبووى ڤایرۆسى كۆرۆنا گیانیان له‌ده‌ستداوه: كه یه‌كه‌میان ژنێكى ته‌مه‌ن 65 ساڵه و خه‌ڵكى قه‌زاى چۆمانه، نه‌خۆشى درێژخایه‌تى هه‌بووه ئه‌مڕۆ ده‌ركه‌وتووه كۆرۆنایه‌تى و ره‌وانه‌ى نه‌خۆشخانه‌كراوه له هه‌ولێر له‌گه‌ڵ برایه‌كى، به‌ڵام كه‌مێك له‌مه‌وبه‌ر گیانى له‌ده‌ستداوه، هاوكات قوربانى دووه‌م پیاوێكى عه‌ره‌به كه به‌هه‌مانشێوه به‌هۆى ڤایرۆسه‌كه‌وه گیانى له‌ده‌ستداوه”.
پارێزگای هەولێر له‌سه‌ر ئاستى هه‌رێمى كوردستان له پله‌ى دووه‌مدایه له‌ڕووى ژماره‌ى تووشبوون به ڤایرۆسى كۆرۆنا له‌دواى پارێزگاى سلێمانى ته‌نیا له‌ماوه‌ى 24 كاتژمێرى رابردوودا له هه‌ولێر 56 حاڵه‌تى نوێى تووشبوون به كۆرۆنا تۆماركراون.
له‌سه‌ره‌تاى بڵاوبوونه‌وه‌ى ڤایرسى كۆرۆنا له هه‌رێمى كوردستان تا ئێستا 2 هه‌زار و 101 كه‌س تووشبوون، 42 كه‌س به ڤایرۆسه‌كه گیانیان له‌ده‌ستداوه 632 تووشبوو چاكبوونه‌ته‌وه، له به‌رامبه‌ردا هه‌زار و 427 تووشبوو له ئێستادا له نه‌خۆشخانه‌كان چاره‌سه‌ر وه‌رده‌گرن.
