تەندروستی سلێمانی داوای پلازمای خوێن دەکات بۆ نەخۆشانی کۆرۆنا

SNN-

وتەبێژی تەندروستی سلێمانی خراپیی دۆخی تەندروستی ژمارەیەک لە نەخۆشانی ڤایرۆسی کۆرۆنا رادەگەیەنێت و داوا دەکات پلازمای خوێنی چاکەوەبووان دابینبکرێت بۆ چارەسەرکردنیا.

دکتۆر یاد نەقشبەندی وتەبێژی تەندروستیی سلێمانی رایدەگەیەنێت “75 نەخۆش باری تەندروستییان ناجێگیرە و 20 نەخۆشیش لە دۆخێکی خراپدان”.

هاوکات دکتۆر یاد نەقشبەندی داوای هاوکاریی لەو کەسانە دەکات کە کۆرۆنایان تێپەڕاندووە و دەڵێت: “تکایە هاوکارمان بن لە بەخشینی پلازمادا بۆ ڕزگارکردنی ژیانی نەخۆشەکانمان”.

لە سلێمانی تائێستا هەزار و 602 کەس تووشی ڤایرۆسی کۆرۆنا بوون، لەو ژمارەیەش 619 کەسیان ڤائرۆسەکەیان تێپەڕاندووە و چاکبوونەتەوە، هاوکات بەپێی دوایین ئامار، 49 کەس گیانیان لەدەستداوە.