داهاتی نەوتی عێراق بۆ مانگی رابردوو ئاشکرا دەکرێت
Fires flare off the gas from in Kirkuk, Iraq, Wednesday, Oct. 18, 2017. Kurdish forces pulled out of disputed areas across northern and eastern Iraq a day after handing Kirkuk to federal forces amid a tense standoff following last month's vote for independence. (AP Photo/Emad Matti)
SNN
وەزارەتى نەوتى عێراق رایگەیاند: لە مانگى ئایاری رابردوودا داهاتی نەوتی عێراق دوو ملیار و 138 ملیۆن دۆلار بووە.
لە راگەیەنراوێکدا وەزارەتى نەوتى عێراق ئاماژەى بەوە کردووە، مانگى رابردوو 99 ملیۆن و 585 هەزار بەرمیل نەوتی هەناردەى دەرەوە کردووە و بەتێکڕاش بەرمیلێک نەوتی بە 21 دۆلار و 45 سەنت فرۆشتووە.
هەر لەوبارەیەوە عاسم جیهاد وتەبێژى وەزارەتى نەوتی عێراق رایگەیاند: بەپێی داتاکانى کۆمپانیاى سۆمۆ، بڕى 96 ملیۆن بەرمیل لە کێڵگەکانى ناوەڕاست و باشوورى عێراقەوە نێردراو و سێ ملیۆن و 545 هەزار بەرمیلیش لە کێڵگەکانى کەرکوک و لە رێگەى بەندەرى جەیهانى تورکیاوە هەناردەکراون.
ئەمەش دوای ئەوەدێت، مانگى نیسان عێراق رۆژانە سێ ملیۆن و 428 هەزار بەرمیل نەوتى هەناردە دەکرد و داهاتەکەشى ملیارێک و 420 هەزار دۆلار بوو کە تێکڕاى نرخى بەرمیلێک 13 دۆلار و 80 سەنت بوو.
کەمبوونەوەی نرخی نەوت لە بازاڕەکانی جیهاندا قەیرانی دارایی بۆ عێراق دروستکردووە و بەوهۆیەشەوە دوێنێ ئەنجومەنی نوێنەرانی عێراق دەنگیدا لەسەر وەرگرتنی قەرزی ناوخۆیی و دەرەکی تا بتوانرێت مووچەی مووچەخۆرانی عێراق دابین بکرێت.
