دانیشتوانی گوندێک بەرپەرچی هێرشێکی داعش دەدەنەوە و دوو تەرمیان پێجێدێڵن
SNN- عیماد جەباری
ئەمشەو یەکشەممە 28ی حوزەیران لەلایەن دانیشتوانی گوندێکی حەویجەوە بەرپەرچی هێرشێکی داعش دراوەتەوە، تەرمی دوو چەکداریشیان بەجێماوە.
حەسەن سافی بەرپرسی هەواڵگری لیوای 56ی حەشدی حەویجە تایبەت بە SNNی وت: “چەکدارانی داعش هەوڵیانداوە بچنە گوندی ماجد لەنزیک مەکتەب خالید، بەڵام گوندنشینان رووبەڕوویان بوونەتەوە”.
وتیشی: “لەئەنجامی رووبەڕووبوونەوەکە دوو چەکداری ئەو گروپە کوژراون و تەرمەکانیان بەجێماوە”.
ئەو بەرپرسەی حەشد ئەوەشی راگەیاند “کە چەکدارەکان خەڵکی ناوچەکەن و هەوڵدەدرێت ناسنامەکانیان بناسرێتەوە”.
