زیاتر لە 225 هەزار کەس لە ئێران تووشی کۆرۆنا بوون

SNN

ژمارەی تووشبووانی کۆرۆنا لە ئێران تا دێت بەرەو هەڵکشان دەروات بەجۆرێک ژمارەی تووشبووانی ئەو وڵاتە گەیشتۆتە 225,205 و لەو ژمارەیە 10 هەزارو شەسەدو دە کەس، گینیانلەدەستداوە.

ئەمڕۆ سیما سادات وتەبێژی وەزارەتی تەندروستی ئێران رایگەیاند: لە ماوەی 24 كاتژمێری ڕابردوودا دوو هەزار و 536 كەسی دیكەی تووشی كۆرۆنا بوون و كۆی گشتی حاڵەتەكانیش بۆ 225 هەزار بەرزبۆتەوە، روونیشیكردەوە كە 162 تووشبووی دیكەش گیانیان لە دەستدا و سێ هەزار و 37 نەخۆشیش باری تەندروستییان ناجێگیرە.

وتەبێژەكەی وەزارەتی تەندروستی ئێران ڕاشیگەیاند تا ئێستا كۆی حاڵەتەكانی مردن گەیشتووەتە 10 هەزار و 610 كەس و 186 هەزار و 180 تووشبووش چاكبوونەتەوە.