فڕۆكه‌كانى توركیا چوار گوندى زاخۆیان بۆردومان كرد

SNN-

ئه‌مشه‌و یه‌كشه‌ممه‌ فڕۆكه‌ جه‌نگییه‌كانى توركیا گونده‌كانى: نه‌ڤله‌، پیربله‌، مۆنینى و شاقوڵیان له‌ سنوورى زاخۆ بۆردومان كرد.
ئەمشەو 29ی حوزەیران فڕۆکە جەنگییەکانی تورکیا بەچڕیی بۆردوومانی چوار گوندی سەر بە قەزای زاخۆیان کرد و زیانی ماددی زۆری بەناوچەکە گەیاندووە و نازانرێت قوربانی هەیە یاخود نا.
فڕۆکە جەنگییەکان بەنزمیی بەسەر ناوچەکەدا سووڕاونەتەوە و بەبیانووی بوونی بارەگای پارتی کرێکارانی کوردستان بۆردوومانی ناوچەکەیان کردووە.
فڕۆکەکان گوندەکانی نه‌ڤله‌، پیربله‌، مۆنینى و شاقوڵیان له‌ سنوورى زاخۆ بۆردومان كردووە و تائێستا لەسنووری دەکار و باتیفە بەقووڵیی 40 کیلۆمەتر تورکیا سوپای هێناوەتە ناو خاکی هەرێمی کوردستانەوە.