مالیکی بۆ یەکەمجار نهێنییەک لەبارەی کەوتنی موسڵ ئاشکرا دەکات

SNN-

سەرۆکوەزیرانی پێشووتری عێراق دەڵێت: “شاری موسڵ رۆژی 10ی حوزەیرانی ساڵی 2014 بەهۆی پیلانگێڕییەک لەناو خودی سوپادا کەوتە دەست داعش”.

نوری مالیکی لەچاوپێکەوتنێکی لەگەڵ کەناڵی ئافاق وتی: “پیلانگێڕییەکە بەجۆرێکبووە کە سوپای عێراق کشانەوە بەخۆی بکات و بەرپەرچی هەر هێزێکیش بداتەوە هەوڵبدات ببێتە بەربەست لەبەردەمیان”.

مالیکی راشیگەیاندووە “گۆڕەپانی خۆپیشاندان و ناڕەزایەتییەکان گۆڕدران بۆ سەربازگەی پڕچەککراو کە پلان وابووە لەگەڵ رووخاندنی رژێم لەسوریا، دەسەڵات لەعێراقیش بڕووخێنرێت لەسەر دەستی داعش”.

سەرۆکوەزیرانی پێشووتری عێراق وتیشی: “رێکخراوی داعش لەناو خێمەکانی ناڕەزایەتیی و خۆپیشاندەرانی ئەنبارەوە دروستبوو”.

مالیکی دەشڵێت: “یەکێک لەفەرماندەکانی سوپا لەپێکهاتەیەکی دیاریکراو لەهێڵەکانی پێشەوە کشایەوە و کوشتارگەی سپایکەری بەدوادا هات”.