لەعێراق 1796 کەسی دیکە تووشی کۆرۆنا بوون

SNN-

وەزارەتی تەندروستیی عێراق ئاماری 24 کاتژمێری رابردووی بڵاوکردەوە و بەپێی ناوەڕۆکەکەی  1796  کەسی دیکە تووشی ڤایرۆسی کۆرۆنا بوون.

لەڕاگەیەنراوەکەی وەزارەتی تەندروستیی عیراقدا هاتووە 96 هاووڵاتی بەڤایرۆسەکە گیانیان لەدەستداوە و 1724 تووشبووش چاکبوونەتەوە.

هەر بەپێی راگەیەنراوەکە، 11519 سامپڵی پشکنین وەرگیراوە و کۆی ئەو پشکنینانەی تا ئەمڕۆ کراون بۆ کۆرنا، 612607 پشکنین بووە.

هاوکات بەپێی راگەیەنراوەکە، 1724 کەس لەپەتاکە چاکبوونەتەوە و کۆی هەموویان تا ئەمڕۆ 34741 کەسە.

بەپێ ئامارەکەی وەزارەتی تەندروستیی عێراق، هەر ئەمڕۆ 96 کەس گیانیان لەدەستداوە و کۆی مردووان گەیشتۆتە 2567 کەس.