بەرهەم ساڵح: دەبێت دەستدرێژییەکانی تورکیا بۆ سەر عێراق رابگیرێت

SNN-
سەرۆککۆماری عێراق داوا دەکات هەرچی زووە دەستدرێژییە سەربازییەکانی تورکیا بۆ سەر خاک و سەروەریی عێراق رابگیرێت.
لەمیانی کۆبوونەوەی لەگەڵ باڵیۆزانی کۆمەڵێک لەوڵاتانی عەربی لەشاری بەغدا، بەرهەم ساڵح وتی: “پێویستە وڵاتانی کۆمکاری عەرەبی و هەرێمیی هاوکار بن لەدۆزینەوەی رێگەچارەیەک بۆ رێگریکردن لە هێرشەکانی سوپای تورکیا بۆ سەر خاکی عێراق”.
سەرۆککۆماری عێراق بەپێویستیشی زانی هەماهەنگیی تەواو هەبێت لەنێوان وڵاتانی هەرێمیی و عەرەبدا تا چارەسەری کێشە و ئاڵۆزییە سنوورییەکان لەنێوان بەغدا و ئەنقەرە بکرێت بەشێوەیەکی ئاشتییانە.