یانەی یۆڤانتۆس دەستبەرداری دی لێگت نابێت

یانەی یۆڤانتۆسی ئیتاڵی ئامادە نیە بە هیچ شێوەیەک دەستبەرداری بەرگریکاری هۆڵەندی یانەکەی ماتیاس دی لێگت ببێت، ئەمەش پاش دەنگۆی چوونی ئەو یاریزانە.

لە چەند رۆژی رابردوو راپۆرتە رۆژنامەوانییەکان لە ئیسپانیاوە ئاماژەیان بە چوونی ئەو یاریزانە کرد بۆ یانەی بەرشەلۆنە، بەڵام یۆڤانتۆس ئەوە رەتدەکاتەوەو مانەوەی دووپات دەکاتەوە.

رۆژنامەی لاگازێتا دیلۆ سپۆرت ئەمڕۆ سێشەممە بڵاویکردووەتەوە، بە نسبەت یانەی یۆڤانتۆسەوە ئەو یاریزانە بۆ فرۆشتن نیە،ئەویش نیازی چوونی نیە، دەیەوێت ببێت بە یاریزانی ژمارە یەک لە ریزەکانی خانمە پیرەکە.

دی لێگت لە هاوینی رابردوو بە گرێبەستێکی 75 ملیۆن یۆرۆیی لە یانەی ئەجاکسی هۆڵەندییەوە پەیوەندی بە یانەی یۆڤانتۆس کرد، ئەمەش پاش ململانێی یانەی بەرشەلۆنە بۆ گواستنەوەی ئەو بەرگریکارە لاوە.