“نزیکەی 5 ملیۆن هاووڵاتی عێراق لەژێر هەرەشەی هەژاریدان”

SNN

رێکخراوی جیهانی یونسێفی سەر بە نەتەوە یەکگرتووەکان ئاماژە بەوە دەکات کە نزیکەی 5 ملیۆن هاووڵاتی عێراقی کە زۆربەیان منداڵین لەژێر هەرەشەی نەبوونی و برسێتی و هەژاریدان.

رێژەی لە 11.7%ی كۆی دانیشتوانی عێراق بەهۆی لێكەوتەكانی ڤایرۆسی كۆرۆنا لەسەر ئابووری جیهان، رووبەڕووی مەترسی چوونە ژێر هێڵی هەژاری بوونەتەوە، كە دەكاتە نزیكەی 4.5 ملیۆن كەس و زۆربەیان منداڵن.

وەك لە هەڵسەنگاندنەكەدا ئاماژەی پێ کراوە، بەو بەرزبوونەوەیە رێژەی هەژاری كە لە ساڵی 2018 بە 20% لە عێراق خەمڵێندرابوو، بۆ 31.7% بەرز بووەتەوە و كۆی ژمارەی هەژاریش لە عێراق بۆ 11.4 ملیۆن كەس بەرزبووەتەوە.

رێكخراوی یونسێف دەڵێت: منداڵان رێژەی هەرە زۆری ئەوانە پێك دەهێنن، كە هەڕەشەی هەژاری و نەبوونی لەسەر ژیانیان هەیە.

بەر لەبڵاوبوونەوەی كۆرۆنا لە هەر 5 منداڵی عێراقی یەكێكیان هەژارە، بەڵام لەگەڵ تەشەنەكردنی ئەو پەتایە ئەو رێژەیە بۆ 2 لەسەر 5 بەرز بووەوە و لە 37.9%ی تێكڕای منداڵانی عێراق پێكدەهێنن.