“پێنج ساڵی داهاتوو کەشوهەوا گەرمتر دەبێت”
A man passes a fountain on an extreme hot summer day, with highs of 40 degrees Celsius, Wednesday, July 24, 2019 in the center of Gelsenkirchen, Germany. Europe faces another heatwave with record temperatures. (AP Photo/Martin Meissner) ORG XMIT: mme108
SNN
رێکخراوی کەشوهەوای جیهان پێشبینی دەکات پێنج ساڵی داهاتوو تێکڕا پلەکانی گەرمیای زەوی 1.5 پلەی سەدی بەرزبێتەوە.
رێکخراوی کەشوهەوای جیهان کە لە 193 وڵات پێکهاتووە و بارەگاکەی لە سویسرایە، لە راپۆرتێکیدا ئەوەی خستووەتەڕوو؛ پلەکانی گەرما بە یەکسانی لە هەموو شوێنێک بەرزنابێتەوە و کاریگەرییەکانی گەرمبوونی زەوی لەسەر بەشێک لە ناوچەکان زیاتر دەبینرێت.
هاوکات پێشبینیشی کردووە، ژمارەی رۆژە گەرمەکانی ساڵ زیاتربن بەراورد بە وەرزی سەرما و سۆڵە.
لە بەشێکی دیکەی راپۆرتەکەیدا، رێکخراوی کەشوهەوای جیهان رایگەیاندووە، پێشبینی دەکرێت لە وڵاتانی رۆژئاوای ئەوروپا زریانی زیاتر رووبدات بەهۆی بەرزبوونەوەی زیاتری ئاستی دەریاکان.
پێشتر شارەزایانی بواری کەشوهەوا رایانگەیاندبوو، بەراورد بە ساڵانی 1850کان، تێکڕا پلەکانی گەرمای زەوی یەک پلەی سەدی بەرزبووەتەوە.
