ڤیدیۆ:ریاڵ مەدرید زیاتر لە بردنەوەی نازناوەکە نزیک بووەوە

SNN Sport

لە یارییەکانی هەفتەی 35ی خولی ئیسپانیا، یانەی ریاڵ مەدرید بردنەوەیەکی نوێی بە ئەنجامی 2-0 لە یاریگای خۆی لەسەر حسابی یانەی دیپۆرتیڤۆ ئەلاڤیس بەدەستهێناو زیاتر لە بردنەوەی نازناوی ئەم وەرزەی خولەکە نزیکبووەوە.

لەگێمی یەکەمی یاریەکە هەردو یانە چەند مەترسییەکیان دروستکرد، بەڵام یانەی ریاڵ مەدرید  سوودی لە لێدانێکی سزا بینی کاتێک مێندی دروستیکردو کەریم بنزیمە توانی گۆڵی پێشکەوتنی ریاڵ مەدرید و 18ی لەم وەرزەی خولەکە بکات.

لە گێمی دووەمی یاریەکە، ئەسینسیۆ بەئەسیستێکی بنزیمە توانی گۆڵی دووەم و دڵنیایی بە یارمەتی ڤار بکات و  یاریەکە 2-0 ببەنەوە.

ریاڵ مەدرید بەم بردنەوە خاڵەکانی بووە 80 خاڵ و تاکە لایەنە پێشەنگی خولەکەی بە جیاوازی 4 خاڵ لە پێش یانەی بەرشەلۆنەوە گرتووە،ئەمە هەشتەم بردنەوەی لەسەر یەک بوو دوای دەستپێکردنەوەی خولەکە، تەنیا 2 گۆڵی لێکراوەو 15 گۆڵی کردووەو 6 یاری گۆڵەکەی خاوێن بووە.

یانەی ئەلاڤێس 35 خاڵی هەیەو لە پلەی 17 دەبینرێت و مەترسی دابەزینی هەیە.