یەکێتی ئەوروپا پەیوەندییەکانی لەگەڵ تورکیا تاوتوێ دەکات
A Turkish guard of honor hold a EU and a Turkish flag as they wait for the arrival of European Union President Jose Manuel Barroso and Turkish Prime Minister Recep Tayyip Erdogan for a ceremony in Ankara, Turkey, Thursday, April 10, 2008. During his three-day visit, which is aimed at pressuring Turkey to speed up economic and political reforms, Barroso will address the Turkish parliament and hold talks with President Abdullah Gul, Prime Minister Tayyip Erdogan and opposition leaders.(Ap Photo/Burhan Ozbilici)
SNN
ئەمڕۆ یەکێتی ئەوروپا کۆبوونەوەیەکی تایبەت بە تاوتوێکردنی پەیوەندییەکانی لەگەڵ تورکیا ئەنجام دەدات و یۆنانیش داوا دەکات یەکێتیەکە هەڵوێستی توند دژ بە تورکیا نیشان بدات.
نیکۆس دەندیاز وەزیری دەرەوەی یۆنان بە میدیایەکی ناوخۆیی وڵاتەکەی راگەیاندووە: “داوامان کردووە یەکێتی ئەوروپا رێکاری توند دژ بە تورکیا جێبەجێ بکات لە بەرامبەر دەرهێنانی نەوت و گاز لە قوبرس بەشێوەیەکی نایاسایی”.
چەند بەرپرسێکی یەکێتی ئەوروپاش رایانگەیاندووە، لەم قۆناغەدا یەکێتییەکە هیچ پلانێکی نیە بۆ سەپاندنی سزا بەسەر تورکیادا لەبەرامبەر دەرهێنانی نەوت و گاز لە ئاوە نێودەوڵەتییەکاندا، یاخود بەهۆی گواستنەوەی چەک بۆ لیبیا کە دەوترێت پێشێلکاری یاسای نێودەوڵەتییە.
بەرپرسەکانی یەکێتی ئەوروپا باسیان لەوەشکردووە، لە کۆبوونەوەکەیاندا بە وردی هەموو لایەنەکانی پەیوەندی نێوان یەکێتی ئەوروپا و تورکیا گفتوگۆی لەبارەوە دەکرێت و پێشبینی دەکرێت یەکێتی ئەوروپا “نیەت پاکی” نیشانبدات بە ئامانجی باشترکردنی پەیوەندی نێوان هەردوولا کە لە ئێستادا گرژی تێکەوتووە.
یەکێک لە تەوەرەکانی کۆبوونەوەکە هاگیا سۆفیا دەبێت کە شوێنەوارێکی دێرینی تورکیایە و لە ماوەی رابردوودا تورکیا کردوویەتی بە مزگەوت و دەرگاکانی بەڕووی نوێژخوێناندا دەکاتەوە، کە ئەمەش پرسی نەپاراستنی شوێنە مێژووییەکان دەهێنێتە ئاراوە و نیگەرانی لێکەوتووەتەوە.
وەزیری دەرەوەی یۆنان لەوبارەیەوە وتوویەتی: “تورکیا بە گۆڕینی هاگیا سۆفیا هێڵی سووری تێپەڕاندووە، ئەردۆغان جگە لەوەی پشت لە یاسا و بڕیارە نێودەوڵەتییەکان دەکات، کلتوری وڵاتەکەشی پشتگوێ خستووە”.
