رێگەى هاتووچۆى هاووڵاتیان بۆ ئێران كرایهوه
مەرزی مونزریە لە خانەقین
SNN- سیروان حهسهن
لهمهرزى مونزرییهى خانهقیینهوه حكومهتى عێراق رێگاى هاتووچۆى هاووڵاتییانى عێراقى بۆ وڵاتى ئێران و بهپێچهوانهشهوه كردهوه، بهڵام چهند مهرجێكى داناوه لهوانهش ئهبێت هاووڵاتییه عێراقییهكه بهڵگهنامهى ههبێت ههڵگرى كۆرۆنا نەبێت و مۆڵهتى مانهوهشى ههبێت.
سهرچاوهیهك له مهرزى مونزرییهى خانهقین به SNNى راگهیاند: لهمڕۆوه 14ى تهموزى 2020 لهسهر فهرمانى دهستهى خاڵه سنوورییهكانى عێراق بڕیاردرا به كردنهوهى مهرزى مونزرییه له خانهقین بهڕووى هاتووچۆكارانى نێوان ووڵاتى عێراق و ئێران و بۆ ئهمهش چهند مهرجێك دانراوه.
وتیشى، “به پێى مهرجهكان ههر هاووڵاتییهكى عێراقى بیهوێت سهردانى ووڵاتى ئێران بكات ئهبێت مۆڵهتى مانهوهى ههبێت لهو وڵاته و ههروهها پشكنینى تهندورستى ههبێت كه ههڵگرى ڤایرۆسی كۆرۆنا نییه و له كاتى سهردانى وڵاتى ئێرانیش نهگهڕێتهوه تاوهكو ڤایرۆسی كۆرۆنا كۆتایی دێت”.
ئهوهشى خستهڕوو، بۆ هاووڵاتیانى ئێرانیش رێگه به هاووڵاتى ئاسایى نادرێت بێنه وڵاتى عێراقهوه و تهنها رێگه بهوانه دهدرێت ههڵگرى پاسپۆرتى دیبلۆماسین و مۆڵهتى مانهوهیان ههیه له وڵاتى عێراق.
