قەبارەی قەرزی جیهان بەشێوەیەکی بەرچاو زیادیکردووە

SNN

پەیمانگه‌ی ئابووری نێودەوڵەتی رایگەیاند: قەبارەی قەرزی جیهان بەرزترین ئاستی تۆمارکردووە و گەیشتووەتە 258 تریلیۆن دۆلار.

ماڵپەڕی ئیکۆنۆمیک تایمز بڵاویکردووەتەوە، پەیمانگه‌كه نوێنەرایەتی بانکەکانی جیهان و پەیمانگه‌کانی ئابووری دەکات رایگەیاندووە قەبارەی قەرزی جیهان گەیشتووەتە 331% ئەو رێژەیەش لە مانگی ئازاری رابردووەوە بە شێوەیەکی بەرچاو زیادیکردووە.

پەیمانگه‌کە بەراوردی لە نێوان قەرزی ئێستا و ساڵی رابردووی حکومەت و کۆمپانیا جیهانییەکاندا کردووە و رایگەیاندووە: “لە ساڵی 2019دا قەبارەی قەرز لە جیهاندا پێنج تریلیۆن و 500 ملیار دۆلاربوو، بەڵام لە ئێستادا بۆ 12 تریلیۆن و 500 ملیار دۆلار زیادیکردووە”.

ئەوەشی خستووەتەڕوو: “بەشێک لە رێککەوتنەکانی حکومەت و کۆمپانیاکان سەبارەت بە وەرگرتنی قەرز کۆتاییان نەهاتووە و پێشبینی دەکرێت تا ساڵی داهاتوو چوار تریلیۆن دۆلاری دیکە بچێتەسەر قەرزی کەڵەکەبووی وڵاتان”.