بۆ جەژنی قوربان لە عێراق قەدەغەی تەواوەتیی هاتووچۆ دەبێت

SNN-

وەزارەتی تەندروستیی عێراق ئەمڕۆ چوارشەممە رایگەیاند “لیژنەی سەلامەتی نیشتمانیی رازیی بووە قەدەغەی تەواوەتیی هاتووچۆ لە عێراق پەیڕەو بکرێت لە رۆژانی جەژنی قورباندا”.

ریاز عەبدولئەمیر بەڕێوەبەری گشیی وەزارەتی تەندروستیی عێراق رایگەیاندووە “داوایان لە لیژنەی سەلامەتیی نیشتمانیی کردووە بەدرێژایی رۆژانی جەژنی قوربان قەدەغەی تەواوەتیی هاتووچۆ لە وڵات جێبەجێبکرێت”.

وتیشی: “لە چەند هەفتەی رابردوودا تووشبوون بە ڤایرۆسی کۆرۆنا لە عێراق زۆر بووە و لەبەرامبەریشدا چاکبوونەوە هەر هەیە، داواشیکرد هاووڵاتییان پابەندی رێنماییەکان ببن”.

تا ئێستا كۆی ئه‌وانه‌ی له‌ عێراق تووشی کۆرۆنا بوون ژماره‌یان 94 هه‌زار و 693 حاڵه‌ت تا 24 کاتژمێری رابردوو، له‌و ژماره‌یه‌ش 3 هه‌زار و 869 كه‌س به‌هۆی ڤایرۆسه‌كه‌وه‌ گیانیان له‌ده‌ستداوه‌ و 62 هه‌زار و 836 كه‌سیش به‌ ته‌واوی چاك بوونه‌ته‌وه و 27 هه‌زار و 988 كه‌سیش له‌ نه‌خۆشخانه‌كان له‌ژێر چاودێری پزیشكیدان، له‌و ژماره‌یه‌ش 431 كه‌س به‌هۆی ناجێگیری دۆخی ته‌ندروستییان له‌ ژێر چاودێری چڕی پزیشكیدان.