فڕۆکەیەکی بێفڕۆکەوان لە ناوچەیەکی شاری بەغدا کەوتەخوارەوە

SNN-

ئاژانسی هەواڵگریی و لێکۆڵینەوەی عێراق دەستی بەسەر فڕۆکەیەکی بێفڕۆکەواندا گرتووە لە ناوچەی جادرییەی بەغدا، کە هەڵگری بۆمب بووە و کەوتۆتەخوارەوە بۆ سەر بینایەک.

بەپێی بەیاننامەیەکی شانەی راگەیاندنی ئەمنیی، “فڕۆکەکە بێفڕۆکەوان بووە و بۆمب و تەقەمەنی زۆری پێ بووە، کەوتۆتە سەر بینایەکی نیشتەجێبوون لە ناوچەی جادریە”.

لە بەیاننامەکەدا هاتووە، “فڕۆکەکە زیاتر لە دوو کیلۆ گرام تەقەمەنی پێبووە لەلایەن تیمی تایبەتی هەڵگرتنەوەی بۆمبەوە پووچەڵکراوەتەوە و لێکۆڵینەوە لە رووداوەکە دەستیپێکردووە”.