کۆمارییەکان بۆ ترەمپ: ناتوانیت هەڵبژاردن دوابخەیت
photo/AP
SNN
دوای ئەوەی دوێنێ دۆناڵد ترەمپ لە تویتێکیدا داوای دواخستنی هەڵبژاردنی ئەمساڵی سەرۆکایەتیی ئەمریکای کرد، ژمارەیەک لە ئەندامانی کۆنگرێس کە سەر بە پارتی کۆمارییەکانن ئەو پێشنیارەیان رەتکردەوە.
میچ مەکۆنێڵ سەرۆکی فراکسیۆنی کۆمارییەکان لە ئەنجومەنی پیرانی ئەمریکا، لەگەڵ کێڤن مەکارسی سەرۆکی فراکسیۆنی کۆمارییەکان لە ئەنجومەنی نوێنەرانی ئەمریکا کە نوێنەرایەتی پارتەکەیان لە کۆنگرێس دەکەن، ئەو پێشنیارەیان رەتکردەوە.
میدیاکانی ئەمریکاش رایانگەیاندووە، بەگوێرەی دەستوور سەرۆکی ئەمریکا دەسەڵاتی دواخستنی هەڵبژاردنی ئەمریکای نییە و هەر پێشنیارێک لەوبارەیەشەوە هەبێت دەبێت لەلایەن کۆنگرێسەوە پەسەندبکرێت.
ترەمپ لە تویتەکەیدا رایگەیاندبوو: “هەڵبژاردنی ئەمریکا بە پۆستە پڕساختەکاری دەبێت و دەبێتە شەرمەزارییەکی گەورە بۆ ئەمریکا، لەبەرئەوە داوا دەکەم هەڵبژاردنەکە دوابخرێت تا ئەوکاتەی هاووڵاتییان دەتوانن بەشێوەیەکی گونجاو دەنگبدەن”.
