کەسێک بە تۆمەتی کوشتنی 150 هاووڵاتیی عێراقی دەستگیرکرا
وێنە: هەواڵگری عێراق
SNN
بهڕێوهبهرایهتی گشتیی ههواڵگریی عێراقی دهستگیركردنی تۆمەتبارێکی راگهیاند، كه به كوشتنی 150 كهس له رێگهی تهقاندنهوهی ئۆتۆمبیلێكی بۆمبڕێژکراو تۆمەتبارە .
بەڕێوەبەرایەتی گشتیی هەواڵگریی عێراق ئەمڕۆ لە راگەیەندراوێکدا بڵاویکردەوە: “بهڕێوهبهرایهتی ههواڵگری و دژهتیرۆر له دیاله و بهغدا، كه له چوارچێوهی ئاژانسی ههواڵگری وهزارهتی ناوخۆ كاردهکەن، له ئۆپهراسیۆنێكدا توانییان ئەبو خەتاب دهستگیربكهن”.
ئەوەش هاتووه: “ئەبو خەتاب بە ماددەی تیرۆر دەستگیرکراوە، بهوه تۆمهتباره كه له ساڵی 2008 له رێگهی ئۆتۆمبیلێكی بۆمبڕێژکراوەوە تهقینهوهیهكی له ناحیهی خان بهنی سهعد ئهنجامداوه و بهو هۆیهوه 150 كهس له دانیشتووانی ئهو ناحیهیه كوژران و ژمارهیهكی زۆریش برینداربوون”.
ئاماژه بهوهش دهدات، “دوای دهستگیركردنیشی دانی به تاوانهكهیدا ناوه و دۆسیهكهی رهوانهی دادگا كراوه، بۆ ئهوهی به سزای خۆی بگهیهندرێت”.
