راهێنەری بایرن میونخ هۆکاری بردنەوە گەورەکەی بەرامبەر بە بەرشەلۆنە ئاشکرا دەکات

SNN Sport

لە کۆنگرەیەکی رۆژنامەوانیدا دوای ئەوەی یانەکەی توانی 8-2 لە یانەی بەرشەلۆنە بباتەوە، هانس دیتەر فلیکی راهێنەری یانەی بایرن میونخی ئەڵمانی، هۆکاری بردنەوەیان بەو ئەنجامە گەورە ئاشکرا دەکات و دەڵێت:” تیپەکەم ئەمڕۆ گەورە بوو، من زۆر دڵخۆشم بە رۆحیەتی ئەم یاریزانانە،ئێمە دەمانزانی ئەگەر فشار بکەین ئەم دەرفەتەمان بۆ هەڵدەکەوێت، ئێمە ئەم کوالێتی هێز وتوانایەمان لە یانەکە هەیەو پێویستمان بە خۆ باگراویکردنەوەیە لە یاری داهاتوو، جارێکی تر لە سفرەوە دەستپێدەکەینەوە”.

پاشان وتی:” مۆلەر شایەنی بردنەوەی خەڵاتی باشترین یاریزانی یاریەکە بوو، ئەو کەسێک بوو، حوکمی لەسەر فشارەکان دەکرد، بەڵام لە کۆتاییدا دەبێت رێز لە هەموو تیمەکەم بگرم  بۆ پاراستنی ئەو هێزە لە ماوەی 90 خولەکدا”.

یانەی بایرن میونخ توانی کورسییەکی قۆناغی پێش کۆتایی خولی یانە پاڵەوانەکان بە دەست بهێنێت و رووبەڕووی براوەی یاری مانچستەرسیتی و لیۆن دەبێتەوە کە ئەمشەو یاریەکە دەکەن.