“پارتى دیموكراتى كوردستان 200 ملیۆن دۆلارى له پارتى داد و گهشهپێدان وهرگرتووه”
لۆگۆى پارتى دیموكراتى كوردستان و پارتى دیموكراتى كوردستان | فۆتۆ: SNN
SNN
بهگوێرهى بهڵگهنامهیهك كه له لایهن پێگهى (WikiLeaks) بڵاوكراوهتهوه و له زنجیرهیهك ئیمهیڵى پارتى داد و گهشهپێدان (ئهكهپه) دهستكهوتووه پارتى دیموكراتى كوردستان لهڕێگهى بهرپرسێكى باڵایهوه بڕى 200 ملیۆن دۆلار هاوكارى دارایی لهو حزبه دهستكهوتووه.
رهگ و ریشهى ئهم چیرۆكه دهگهڕێتهوه بۆ 20ى تهمموزى 2016، واته تهنیا پێنج رۆژ دواى ئهنجامدانى كودهتاكهى توركیا كاتێك كه ویكیلیكس 762 مهیڵ بۆكسى پارتى داد و گهشهپێدان ئاشكرا دهكات كه بۆ لایهنى جیاواز ناردوونى له سهرانسهرى جیهاندا، ئهم مهیڵ بۆكسانه پێكدێت 294,548 ئیمهیڵ و فایل و بهڵگهنامهى نێردراو كه له (akparti.org.tr) وهرگیراون، كۆنترینیان له ساڵى 2010 نێردراوه و نوێترینیان له 6ى تهمموزى 2016 نێردراوه.
ئهوهى كه پهیوهندیى به ههرێمى كوردستان و پارتى دیموكراتى كوردستانهوه ههیه، بریتیه له ئیمهیڵێك كه لهناو ئهو ههزاران ئیمهیڵهدا دۆزراوهتهوه، “ئهم ئیمهیڵه نیشانى دهدات له 15ى ئازارى 2016 پارتى دیموكراتى كوردستان لهڕێگهى بهرپرسێكى باڵاى ئهو حزبهوه 200 ملیۆن دۆلار هاوكارى دارایی وهرگرتووه له پارتى داد و گهشهپێدان، له ناوهڕۆكى ئیمهیڵهكهشدا بههیچ شێوهیهك ئاماژه بهوهنهكراوه كه ئهو پارهیه بۆ حكومهتى ههرێمه”، بهڵكو ئاماژه به ناوى كهسهكه كراوه و وهك كهسایهتى بۆى نێردراوه كه بهرپرسێكى باڵا و پله یهكى حزبییه و ئهو كاتهى كه پارهكهى بۆ نێردراوه پۆستى باڵاى حكومیشى ههبووه جگه له پۆسته باڵا حزبییهكهى.
بهگوێرهى زانیارییهكانى ناو ئیمهیڵهكه، “ئهو پارهیه به بیانووى دووباره چاككردنهوهى بۆرییهكى نهوت له كهركوك وهرگیراوه كه ماوهیهك بووه لهكاركهوتووه”، بهڵام چۆن خهرجكراوه و بۆچى بهناوى حكومهتى ههرێمهوه وهرنهگیراوه، تا ئێستاش به نادیارى ماوهتهوه و پارتى دیموكراتى كوردستانیش ئاماده نییه قسهى لهبارهوه بكات.
تێبینى: دهقى ئیمهیڵهكه و ناوى ئهو بهرپرسه باڵایهى پارتى دیموكراتى كوردستان كه پارهكهى بۆ نێردراوه لاى (SNN) پارێزراوه.
