تەندروستی جیهانی: هیوادارین کۆرۆنا لە دوو ساڵدا کۆتایی بێت
ڤایرۆسی کۆرۆنا لەقەتەر
SNN
سەرۆکی رێکخراوی تەندروستی جیهانی رایگەیاند: “هیوادارین پەتای کۆرۆنا لە ماوەی دوو ساڵدا کۆتایی بێت”.
تێدرۆس ئەدهانۆم لە کۆنفرانسێکی رۆژنامەنووسیدا لە جنێڤ، بەراوردکاری لە نێوان ڤایرۆسی کۆرۆنا و ئەنفلۆنزای ئیسپانی کە ساڵی 1918 بڵاوبووەوە و لە ماوەی دوو ساڵدا کۆنتڕۆڵکرا، وتیشی: “بەرەوپێشچوونی ئێستای تەکنەلۆژیا وادەکات لە ئەنفلۆنزای ئیسپانی زووتر کۆنتڕۆڵبکرێت”.
ئاماژەی بەوەشکرد: “بە دڵنیاییەوە بەریەککەوتن هۆکاری تەشەنەسەندنی ڤایرۆسەکەیە و پێویستیشە وڵاتان هاوسۆزییان بەرامبەر یەکتر هەبێت و لە رووبەڕووبوونەوەی کۆرۆنادا هاوکاری یەکتر بکەن”.
ڤایرۆسی کۆرۆننا تا ئێستا تووشی زیاتر لە 22 ملیۆن و 700 هەزار کەس بووە و زیاتر لە 800 هەزار کەسیش بەوهۆیەوە گیانیان لەدەستداوە، لەکاتێکدا ئەنفلۆنزای ئیسپانی بووە هۆی گیانلەدەستدانی 50 ملیۆن کەس.
