بەهۆی شاردنەوەی زانیاری لەسەر چین ئاژانسی ناسا زانایەکی خۆی بەند دەکات

SNN

بەهۆی ئەوەی پەیوەندییەکانی خۆی لەگەڵ دەزگا و زانکۆکانی چین نەپچڕاندووە، ئاژانسی ناسا بەتۆمەتی شاردنەوەی زانیاری پڕۆفیسۆر (جینگدۆنگ جینگ)ی زانای بەند کردووە.

میدیاکانی ئەمریکا بڵاویانکردۆتەوە “ئەو پرۆفیسۆرەی ناسا تەمەنی 53 ساڵە و مامۆستای زانکۆی ئەی ئاند ئێم-ە و توێژەرێکی ناسراویشە لە دەزگای ناسا”.

تۆمەتی دەستگیرکردنیشی بۆ ئەوە دەگەڕێتەوە کە پێشێلی خاڵەکانی گرێبەستەکەی کردووە لەگەڵ ناسا و پەیوەندییەکانی خۆی لەگەڵ کۆمپانیا و زانکۆکانی وڵاتەکەی (چین) نەبچڕاندووە و توێژینەوەیەکی زۆری بۆ زانکۆی گواندۆنگ کردووە بێ پرسی ئەمریکییەکان.

دەزگای ناسا (کورتکراوەی National Aeronautics and Space Administration) ئاژانسێکی سەربە حکومەتی ئەمریکایە و بەرپرسە لە بەرنامەی ئاسمانی ئەو وڵاتە.

ناسا ساڵی 1957 دامەزراوە و بودجەی ساڵی 2020ی 22 میلیارد دۆلارە، جگە لە بەرنامەی ئاسمانی، ناسا بەرپرسیشە لە لێکۆڵینەوە مەدەنی و سەربازییە ئاسمانییە درێژخایەنەکانیش، ئاژانسی ناسا مەزنترین ئاژانسی ئاسمانییە لە جیھاندا.