ترەمپ: لە یەک حاڵەتدا لە هەڵبژاردن دەدۆڕێم ئەویش ساختەکارییە
دۆناڵد ترەمپ سەرۆکی ئەمریکا
SNN
دۆناڵد ترەمپ سەرۆکی ئەمریکا و پاڵێوراو بۆ ئەو پۆستە بۆ جاری دووەم دەڵێت: “تەنها لە یەک حاڵەتدا پارتەکەی لە هەڵبژاردنی مانگی نۆڤەمبەری داهاتوودا دەدۆڕێت”.
لە وتەیەکیدا لە کۆنگرەی گشتی کۆمارییەکاندا ترەمپ لە کارۆلاینای باکوور وتی: “تەنیا لە کاتی روودانی ساختەکاریدا کۆمارییەکان لە هەڵبژاردندا دەدۆڕێن”.
وتیشی: “دیموکراتەکان دەیانەوێت هەڵبژاردنەکان بدزن بەو رێگەیەی هەموو کەس دەیزانێت کە ئەویش ساختەکارییە، ئەوەش تەنیا رێگەیە کە بتوانن براوە بن”.
ئێوارهى ئهمڕۆ دووشهممه كۆنگرهى پارتى كۆمارییهكانى ئهمریكا بهڕێوهچوو، به زۆرینهى دهنگ دۆناڵد ترهمپ بۆ سهرۆكى ئهمریكا و مایك پێنس بۆ جێگرى كاندیدكران به مهبهستى بهشداریكردن له ههڵبژاردنى مانگى تشیرنى دووهم.
ئهمڕۆ دووشهممه کۆنگرەی نیشتمانی کۆمارییەکانی ئەمریکا له شارى شارلۆت له ویلایەتی نۆرس کارۆلاینا دهستى به كارهكانى كرد، به مهبهستى دیاریكردنى كاندیدى فهرمى ئهو پارته بۆ پۆستى سهرۆك و جێگرى سهرۆكى ئهو وڵاته به ئامانجى بهشداریكردن له ههڵبژاردنى تشیرینى دووهمى 2020ى ئهمریكا، بڕیاره بۆ ماوهى چوار رۆژ كارهكانى بهردهوام بن.
