هەواڵگری تورکیا: ئیمارات چەند ساڵێکە هاوکاری یەپەگە دەکات
A picture taken on May 10, 2017 in the town of al-Karamah, 26 kms from the Islamic State (IS) group bastion of Raqa shows the insignia of the Kurdish People's Protection Units (YPG) on a member's uniform. / AFP PHOTO / DELIL SOULEIMAN (Photo credit should read DELIL SOULEIMAN/AFP/Getty Images)
SNN
بە گوێرەی چەند سەرچاوەیەکی هەواڵگری تورکیا، ئیمارات چەند ساڵێکە بە مەشق و راهێنان هاوکاری هێزەکانی یەپەگە دەکات و بۆ ئەو مەبەستەش ئەفسەری هەواڵگری بۆ رۆژئاوای کوردستان ناردووە.
ئاژانسی ئەنادۆڵوی تورکی لە زاری چەند سەرچاوەیەکی هەواڵگریی تورکییەوە ئەوەی خستووەتەڕوو، بەرپرسانی ئیمارات ساڵی 2017 بە نهێنی لەگەڵ شەڕڤانانی یەپەگەدا کۆبوونەتەوە و ساڵی دوای ئەوەش ئیمارات ئەفسەری هەواڵگری بۆ ناوچەکە ناردووە تا مەشق بە یەپەگە بکات.
ئەنادۆڵو ناوی بەشێک لەو ئەفسەرانەی ئیماراتی بڵاوکردووەتەوە کە پاڵپشتی و هاوکاری یەپەگەیان کردووە و بەشێکیان تا ساڵێک لە کەمپەکانی راهێنانکردندا ماونەتەوە.
سەرچاوەکان رایانگەیاندووە، مەشق و راهێنانەکانی ئیمارات بە یەپەگە، بوارەکانی سیخوڕیکردن، رووبەڕووبوونەوەی سیخوڕی، بەهێزکردنی توانای هەواڵگری و تۆڕی پەیوەندی یەپەگەی گرتووەتەوە.
بە گوێرەی ئەو بەرپرسانەی تورکیا، راهێنانەکان لە قامیشلۆ، حەسەکە و دێرزوور بەڕێوەچوون.
تا ئێستا ئیمارات بە فەرمی ئاشکراینەکردووە کە پاڵپشتی هێزەکانی یەپەگەی کردووە.
یەپەگە کە لە چوارچێوەی هێزەکانی سوریای دیموکرات، شانبەشانی هێزە عەرەبەکان و کریستیانەکان شەڕدەکەن، لەلایەن چەند وڵاتێکی زلهێزەوە هاوکاری کراون.
