چارهنووسی سوارێز گرێدراو نیه به میسییهوه
میسی و لویس سوارێز
SNN Sport
رۆژنامهی ( کۆرێری دیلۆ سپۆرت)ی ئیتاڵی دووپاتی كردهوه كه لویس سوارێز ئهستێرهی ئۆرگوایی گهیشته رێكکهوتن لەگهڵ یانهی یۆڤانتۆسی ئیتاڵی بۆ پهیوهندیكردنی به ریزكانی له ماوهی داهاتوودا و لەسەر گرێبهستێك رێککەوتووە بۆ ماوهی 3 ساڵ لهگهڵ مووچهیهك بڕهكهی 10 ملیۆن یۆرۆیه له وهرزێكدا.
رۆژنامهمهكه ئاماژهی بۆ ئهوه كرد كه چارهنووسی سوارێز له بهرشەلۆنه گرێدراو نیه به چارهنووسی لیۆنێل میسی هاورێیهوه ، كه بریاریدا پاشەگهزبێتهوه له بڕیاری رۆیشتن و مانهوهی لهگهڵ یانه كهتهلۆنیهكه راگهیاند .
بهم شێوهیهش سوارێز له بهرشەلۆنه نامێنێتهوه و نزیكترین وێستگه بۆی یانهی یۆڤانتۆسی ئیتاڵییه ، له چاوهروانی رێكهوتن له سهر وردهكاری گرێبهستهكهی.
ئەمڕۆ سوارێز بەشداری لە مەشق و راهێنان لەگەڵ بەرشەلۆنە کردەوەو لە ئینستاگرام پۆستێکی کردووەو نوسیویەتی:” من هەرگیز ناوەستم لە چێژوەرگرتن لە شتێک کە هەموو کات دەمەوێت”.
