وەزارەتی خوێندنی باڵا كەمترین كۆنمرە بۆ وەرگرتنی خوێندکارانی لە زانكۆكان راگەیاند

SNNـ بڕیار محەمەد

وەزارەتی خوێندنی باڵا و توێژینەوی زانستی حكومەتی هەرێمی كوردستان ڕێنوێنی بۆ وەرگرتنی خوێندکار لە زانكۆ و پەیمانگەكان بڵاوكردەوە و رایگەیاند، كەمترین كۆنمرە 55 دەبێت.

ئەمڕۆ دووشەممە 14ـی ئەیلوول، لە بڵاوكراوەیەكی وەزارەتی خوێندنی باڵا و توێژینەوەی زانستی هاتووە، كەمترین كۆنمرەی وەرگرتن بریتییە لە 55 و سەرجەم بەشەكان بەپێی نمرە ڕیزبەند كراون بۆ ئەوەی قوتابیان بەپێی نمرەكەیان ئەو بەشە پڕ بكەنەوە کە ئارەزووی دەكەن.

لە مەرجەكانی وەگرتنی خوێندکار ڕوونكراوەتەوە، خوێندکار دەتوانێت بەشێك یان چەند بەش دیاری بكات و فۆڕم پڕبكاتەوە کە ئەویش بەشێوەی ئۆنلاین دەبێت.

ڕۆژی پێنجشەممە تاقیكردنەوەكانی پۆلی 12ـی ئامادەیی كۆتایی هات و نمرەی كۆتاییش بە خوێنکاران دراوەتەوە.

كلیك لێرە بكە بۆ خوێندنەوەی ڕێنوێنییەكان