کیم جۆنگ ئون داوای لێبوردن دەکات

SNN

کیم جۆنگ ئون سەرۆکی کۆریای باکوور، لە نامەیەکی دەگمەنیدا، داوای لێبوردن دەکات سەبارەت بە کوشتنی بەرپرسێکی کۆریای باشوور لەلایەن هێزەکانی وڵاتەکەیەوە.

کیم لە نامەیەکدا کە بۆ مون جەی ئین سەرۆکی کۆریای باشووری نوسیووە، دەڵێت: ئەو رووداوە قێزەونە نەدەبوو ربدات (کە مەبەستی لە کوشتنی بەرپرسێکی تەمەن 47 ساڵی کۆریای باشوور بە تەقەی هێزەکانی کۆریای باکوور کە دواتر ئاگریان لە تەرمەکەی بەردا).

ئەمە یەکەم رووداوی کوشتنی هاووڵاتی کۆریای باشووربوو بەدەست هێزەکانی کۆریای باکوور لە ماوەی زیاتر لە 10 ساڵدا، لە ناوخۆی کۆریای باشووردا نیگەرانییەکی زۆری لێکەوتەوە.

رووداوەکەش لە چوارچێوەی بڕیارێکی نوێی وڵاتەکەدا بوو بۆ کوشتنی هەر کەسێک لە سنوورەکانی نێوان هەردوو کۆریاکە، ئەوەش بەهۆی مەترسی بڵاوبوونەوەی کۆرۆناوە.