تۆپی ده‌ستی یانه‌ی سلێمانی به‌شداری خولی نایابی عێراق ده‌كات
تۆپی دەستی سلێمانی
SNN Sport
یه‌كێتیی تۆپی ده‌ستی عێراق راگه‌یاند ، كه سێ یانه نووسراوی فه‌رمییان پێشكه‌ش كردووه بۆ به‌شداریكردن له وه‌رزی داهاتووی خولی نایابی تۆپی دەست لە وەرزی 2020-2021.
حوسام عه‌بدولره‌زا رێكخه‌ری راگه‌یاندنی یه‌كێتیه‌كه له لێدوانێكیدا وتی:” یه‌كێتیی تۆپی ده‌ستی عێراق تا ئێستا به فه‌رمی سێ نووسراوی گه‌یشتووەته ده‌ست له سێ یانه بۆ به‌شداریكردن له خولی نایاب “.
وروونیكرده‌وه كه سێ یانه‌كه بریتین له یانه‌كانی سلێمانی ، فتوه و ده‌غاره ، كه به نووسراوی فه‌رمی به‌شداریكردنیان له وه‌رزی نوێ دووپاتكردووەته‌وه و بەشداری لە خولەکە دەکەن”.
ئه‌وه‌شی خسته‌ڕوو:” یه‌كێتیه‌كه چاوه‌ڕوانی به‌شداریكردنی تیپه‌كانی تره پێش واده‌ی ده‌ستپێكردنی خوله‌كه وچاه‌ڕوان ده‌كرێت خولی نایاب له یه‌كی مانگی داهاتوو ده‌سپێبكات .
