بۆ خولی نایابی عێراق زاخۆ له توركیا ئاماده‌كاری ده‌كات
یانەی زاخۆ
SNN Sport
یانه‌ی زاخۆ راگه‌یاند كه تیپی تۆپی پێی یانه‌كه كه‌مپێكی مه‌شق و راهێنان له توركیا ئه‌نجام ده‌دات، ئەمەش به مه‌به‌ستی خۆ ئاماده‌كردن بۆ خولی نایابی عێراق.
ته‌ها زاخۆیی سه‌رپه‌رشتیاری تیپی تۆپی پێی یانەی زاخۆ له لێدوانێكیدا وتی :” تیپی تۆپی پێی یانه‌كه ئەمڕۆ گه‌شت ده‌كات بۆ توركیا به مه‌به‌ستی ئه‌نجامدانی كه‌مپێكی مه‌شق و راهێنان له شاری ئه‌نتاڵیا لە وڵاتی تورکیا”.
هەروەها وتی:” كه‌مپه‌كه بۆ ماوه‌ی دوو هه‌فته به‌رده‌وام ده‌بێت بۆ خۆئاماده‌كردن بۆ خولی نایابی عێراق و تیپه‌كه چه‌ند یارییه‌ك له‌گه‌ڵ تیپه توركیه‌كان ئه‌نجام ده‌دات بۆ وه‌ستان له سه‌ر ئاماده‌سازی ته‌واوی یاریزانه‌كان”.
خولی نایابی عێراق وا بڕیاره 25ی ئه‌م مانگه ده‌ستپێبكات.
