پۆلیسێکی هاتوچۆ براکەی بریندار دەکات و خۆشی دەکوژێت

پێشنیوەڕۆی ئەمڕۆ هەینی، پۆلیسێکی هاتوچۆ بە گولە براکەی بریندار کرد و دوای ماوەیەک خۆشی کوشت.

سەرچاوەیەک لە پۆلیسی هاتوچۆی هەولێر بە SNNی راگەیاند: “رووداوەکە لەسەر شەقامی 60 مەتری هەولێر روویداوە لە نێوان دوو برا کە هەردووکیان پۆلیسی هاتووچۆن”.

وتیشی: “شەڕەکە لەسەر کێشەی خێزانی بووە و ئەو کەسەی یەکەم جار تەقەی لە براکەی خۆیکردووە وایزانیوە براکەی کوشتووە و دوای چەند خولەکێک بە گولە کوشتووە”.

ئاماژەی بەوەشکرد: “ئەو پۆلیسەی بریندار بووە گەیاندراوەتە نەخۆشخانە و دۆسیەکەش لە ژێر لێکۆڵینەوە دایە”.

ئەو سەرچاوەیە راشیگەیاند، ئەو پۆلیسەی خۆیکوشتووە تەمەنی 42 ساڵە و براکەشی تەمەنی 39 ساڵە.