راپۆرتێک: کۆریای باکوور مەودای موشەکەکانی درێژتر دەکاتەوە
بە گوێرەی وێنەی مانگە دەستکردەکانی ئەمریکا، کۆریای باکوور تا کۆتایی ئەمساڵ دامەزراوەیەکی تایبەت بە چەکە ئەتۆمییەکانی تەواودەکات، بەوەش مەودای موشەکەکانی دەگەنە ئەمریکا.
له راپۆرتێكدا كه ماڵپه‌ڕی ”Beyond Parallel” به پشت به‌ستن به وێنه‌ی مانگی ده‌ستكرد بڵاویكردووه‌ته‌وه، ناوه‌ندی پشتیوانی مووشه‌كی بالستیی Sil-li، كه له ساڵی 2016 دروستدەکرێت، پێدەچێت كۆتایی ئه‌مساڵ یان سه‌ره‌تای 2021 ته‌واوببێت.
باس له‌وه ده‌كرێت کۆریای باکوور ده‌توانێت لە رێگەی ئەو دامەزراوەیەوە به‌هێزترین چه‌كه ئه‌تۆمییه‌كانی تێدا هه‌ڵبدات كه ده‌توانن بگه‌نه هه‌ر شوێنێكی ئه‌مریكا.
له راپۆرته‌كه‌دا باس له‌وه كراوه دامه‌زراوه‌كه له نزیك فڕۆكه‌خانه‌ی نێوده‌وڵه‌تی پیۆگیانگه و له‌سه‌ر رووبه‌ری 442 كیلۆمه‌تر چوارگۆشه دروست ده‌كرێت، تیایدا ئه‌وه به‌دیكراوه كه هه‌موو جۆره‌كانی مووشه‌كی بالستیی كه به هی كۆریای باكوور ناسراون ئاماده‌كراون بۆ هه‌ڵدان، له نێویشیاندا مووشه‌كی ئه‌تۆمی Hwasong-15 كه له‌توانایدایه هه‌موو شوێنێكی ئه‌مریكا بكاته ئامانج، له‌گه‌ڵ مووشه‌كی بالیستی كیشوه‌ربڕی (ICBM).
