ناودارەکانی هۆڵیود بەنیازن بە “رووتی” دەنگ بدەن

SNN

لە ژێر ناوی (بەرووتی دەنگ بدە) بە هەزاران هاووڵاتی ئەمریکی ڤیدیۆی چەند ئەکتەرێکی هۆڵیودیان شێر کردووە کە داوا دەکەن بە رووتی و لەڕێگەی پۆستی نامەوە بەشداریی هەڵبژاردنی وڵاتەکەیان بکەن.

ڤیدۆکە ئەکتەرانی کۆمیدی (کریس رۆک و ئامی شومەر، سارە سیلڤەرمان، مارک رافاڵۆ و ساشا باڕۆن) و چەندانی تر بەشدارییان تێدا کردووە و بە رووتی لە بەردەم کامێرادا وەستاون تا سەرنجی هاووڵاتییان بۆ خۆیان ببەن بەوەی بە وردی شوێن بنەماکانی دەنگدان بکەون بە رێگەی ئەلیکترۆنی.

ڤیدۆکە ئەمریکییەکانی کردووە بە دوو بەشەوە هەندێکیان بە هەنگاوێکی بوێرانە باسی دەکەن و هەندێکیشیان دەڵێن ئەوە کارێکی عەیبەیە.

لە ئەمریکا ئەم شێوازی دەنگدانە بەوەش لێکدراوەتەوە کە جگە لەوەی هاندانە بۆ دەنگدان، لە ویلایەتێکی وەک پانسلڤانیا خەڵک وا لێی تێدەگات کە نیشانەیە بۆ (دەنگی رووت) کە ئاماژەیە بۆ بەشداری نەکردنی هاووڵاتی لە پرۆسەی هەڵبژاردندا.

شێوازی دەنگدان بە پۆستی ئەلیکترۆنی بۆتەهۆی تووڕەکردنی کۆمارییەکان و ەرەتای ئەم مانگە دۆناڵد ترەمپ سەرۆکی ئەمریکا وتی “چەندین بەڵگەیان لایە کە دیموکراتەکان دەیانەوێت ساختەکاری لە هەڵبژاردنەکاندا بکەن لە دەنگدان لە رێگەی پۆستەوە، دەشڵێت، “بەهۆی هێرشی دیموکراتەکانەوە، پاکی هەڵبژاردنە سەرۆکایەتییەکەی ئەمریکا لە مەترسیدایە”.